Harðsoðnar fréttir af fyrirtækjarekstri

Siglt um Nýhöfn, Kristjaníu og Íslandsbryggju með Tönju og Ingu.

Montin skólastúlka!

Jæja! Þar sem Tútta er í bullandi útrás í Danska, þeysandi á hjólinu á milli stofnana... aðallega skólastofnana og ýmissa opinberra stjórnsýslu-apparata, tók hún hliðarspor áVesturbrú í dag... til venstre... og smellti sér inn í NORDEA BANK.

Hmm... Ja! Goddag! Jæ vil gjærne obne en bankerægning??? Júmm, Selfööölgelig! segir þessi elskulegi maður sem tekur á móti Túttunni... hefur hún sósíalsekjúritinúmmer?

Nema hvað! Auðvitað getur Tútta flaggað flúnkunýrri danskri kennitölu fyrir sig og sitt slekt og gerir sig nú nokkuð breiða, svona á meðan kontóristinn byrjar að pikka inn upplýsingar um Túttu og hennar kompaní í danska systemið. Þótt Tútta sé bankastjóri í Sjálfsínsbanka þykir henni öruggara að hafa ekki öll eggin í sömu körfunni ef ske kynni að efnahagssystem LÍN og ákveðinna meðlagsgreiðenda á Fróni fari fjandans til, vitandi hversu erfitt það er að halda úti námsmeyjum í Danska.

Og þar með er opnaður bankareikningur á nafni Túttu með kr. núll að innistæðu í NORDEA BANK . En Túttu finnst það allt í lagi. Hún er vön solleiðis fyndni. Iss piss! hugsar hún og tekur í spaðan á þessum myndarlega bankamanni og þakkar viðskiptin... vitandi að allt á eftir að ganga vel ef jákvætt hugarfar er efst á præoritílista fyrirtækisins. Hva! Tútta, sem er forstjóri, stjórnarformaður, einræðisherra, mamma, skemmtikraftur og kokkur... lætur ekki smámuni koma sér úr jafnvægi. Með de samme hjólar hún skælbrosandi út í dönsku tilveruna, ásamt litla verðmætasjóðnum sem nýverið hefur eignast nýja skólatösku... og fær sér pulsu með remólæðe og stekt lög. Og þær eru harðákveðnar báðar tvær, hún og Tjása, að... hmm... eggin í körfunni séu sko HARÐSOÐIN!

Þrátt fyrir miklar annir í fyritækjarekstri er brjálað að gera í opinberum heimsóknum á Vesturbrú þessa dagana. Kór Menntskólans við Hamrahlíð gerði víðreist í Danska um daginn og fyrirtæki Túttunnar var falið að geyma íslenska þjóðbúninga, þreytta ferðalanga og farangur þeirra dagpart... og hafði mikið gaman af!

Einn af ferðaglöðum nemendum úr Víðistaðaskóla, hún Tanja... hmm... meira hvað þessi börn úr 3ja AE ferðast!... kom í opinbera heimsókn ásamt móður sinni Ingu, farin var sigling um kanalinn, kúltiveraður kvöldverður í kjölfarið, mikið fjör, mikið sykurflipp, og mikið gaman gaman...

Og svo er von á gesti á morgun... spennandi gesti... í tvo daga... og Túttu hlakkar mikið til!